పూలవలలు...

 
హేలా రచితమైన ఆమనిలా..

ఆమె నీ జీవితంలోకి ప్రవేశిస్తుంది..

పుష్పమాలానిచితమైన కలల శయ్యపై..

నిన్ను సేదతీర్చి సెలవివారగా నవ్వుతుంది..

ఆనందమనంగమై నీవు..

హర్షరాగాలు ఆలపిస్తావు..

అనుభూతి అభంగురమై..

అభినవ కాదంబరిని నిర్వచిస్తుంది..

చెలరేగిన ఆపూల తుఫానులో..

మత్తిల్లిన మధుపంలా నీవు తేలిపోతావు..

సాంభ్రాణి ధూప వాసనలు కదంబించిన కుంతలాల్లో..

కుసుమపేశలమై నీవు చిక్కుబడిపోతావు..

అప్పుడు..

నిస్పృహవై..

నిర్వీర్యానివై..

నిరాశలు వెదజల్లుకుంటూ వచ్చిన..

నిన్నటి నిశ్శబ్దపు దారులు..

నీకు గుర్తుకు రావు..

మళ్ళీ.. మళ్ళీ..పుట్టుకొచ్చే మొండి పొదల్లాంటి..,

కలలను తలవనైనా తలవకుండా..

మళ్ళీ..మళ్ళీ..పూర్ణకుంభాల్లా నిండుతున్న..

కళ్ళ తడిలో జారి పడిపోకుండా..

జాగ్రత్త పడిన ఆనడక తీరులు..

నీ స్మృతికి అందవు..

క్షామ రక్కసి పిడికిళ్ళలో..

దేశమే అట్టుడికి పోతూందో..

వ్యధా కులిత నినాదాల్లో..

కాలమే కాలిపొతోందో..

నీకు పట్టదు..

మరులు కమ్మిన వేడుకతో..

ఆ తరళ నయన పైనే చూపులు సారిస్తూ..

భవిష్యదభిముఖంగా సాగిపోతావు..

మధు కుల్యలపై మధుపంలా తేలిపోతావు..

నీ చూపు దేశాన్ని కాక..

ఆనందారామమైన అంతరంగాన్ని చూస్తుంది..

నీ పిలుపు భవితవ్యాన్ని తట్టి లేపక..

నిన్ను అల్లుకున్న చిన్నారులను..

ప్రేమతో పరామర్శిస్తుంది..

ఒక వేళ..

కిటికీ అవతలి ఆవేశంపై..

నీవు చూపు మోపబోయినా..

పూలవలలు పన్ని నిన్ను బంధిస్తుంది ఆమె..

చిన్నరిపాపల బోసినవ్వులకు..

నిన్ను నీవే అమ్ముకుంటావు..

కానీ..

ఎప్పటిలా వుండనికాలం..

నీ కను రెప్పలకింద చేరుకుంటుంది..

నీ వెంట్రుకల తెల్లదనంలో దాక్కుంటుంది..

అప్పుడు..

వద్దన్న వచ్చే వుదయాస్తమయాలు..

నిన్ను కలవరపెడతాయి..

అప్పుడప్పుడే..

అలరులు రాల్చుతూ..తలిరాకులను..

తొడుగుతున్న..యవ్వనంలో..

కట్న కానుకల సానువులపై నిలుచున్న..

వర రత్నాలను పొందలేక..

అలుపులేని కోర్కెలకు కళ్ళాలు వేయలేక..

ఏకాంత కుంత సంధ్యా కాంతల్లా నిలిచిన..

నీ ప్రేమఫలాల ఆక్రోశంలో..

నీ గుండె స్పందనను మరచిపోతుంది..

రెక్కలు రాని కూనలు..

హృదంతరాల సంతస కుసుమాలు కురిసే..

మంజుల మాసాలు మాకివ్వమని..

నీ వృధ్ధాప్యాన్ని ప్రశ్నిస్తే..

నీ కళ్ళు అశ్రుసరిత్తులే..వాలిపోతాయి..

నిన్నటి నీ తప్పును గుర్తు చేస్తాయి..

ఆంధ్రప్రభలో ప్రచురితం   




              

కిల ..కిల..కిల..కిల.

అమ్మా ..నాకో ..కల వచ్చింది..

చెప్పు నాన్నా..

పరీక్ష ఎనిమిదికంట..నేను ఎనిమిదికే లేచానంట..టైమైపోయిందని పరీక్ష హాలుకు పరిగెత్తానంటా..

ఊ..

నీ పరీక్ష ఇక్కడ కాదూ ఇంకో సెంటరులో అన్నారంటమ్మా..

అవునా..

పరిగెత్తి..పరిగెత్తి..ఆ సెంటరుకు చేరుకుంటున్నానంట..కానీ ..టైమైపోయిందంట..

కాదు నాన్నా..నీవు పరీక్ష లకు చదువుతున్నావు కదా.. అందుకని నీ ఆలో చనలన్నీ పరీక్ష మీదే వుంటాయి కదా..అందుకే అలాంటి కలలు వస్తాయి ..భయపడకు..వెళ్ళి చదువుకో పో..

అమ్మా..నాకు ఇంకో కల వచ్చింది..

ఏంటో చెప్పు..

నా పక్కోడు పరీక్ష బాగా రాస్తున్నాడంట..నేను..వాడి దాన్లో చూసి బాగా కాపీ కొడుతున్నానంట..

............???????

పుట్టపర్తి అనూరాధ అక్షర కలశం: పొగ తాగిన వాడు క్యాన్సర్ కొడుకై పుట్టున్...

పుట్టపర్తి అనూరాధ అక్షర కలశం: పొగ తాగిన వాడు క్యాన్సర్ కొడుకై పుట్టున్...: "ఈ రోజు పొగాకు దినమంట..అంటే పొగ తాగమని కాదు తాగితే సస్తార్రా..నాయాళ్ళలారా..అని ..అర్థమంట..మరి దాని అమ్మడమెందుకో ..మళ్ళీ దానిపై పుర్రె బొమ్మ..."

పొగ తాగిన వాడు క్యాన్సర్ కొడుకై పుట్టున్...

ఈ రోజు పొగాకు దినమంట..అంటే పొగ తాగమని కాదు తాగితే సస్తార్రా..నాయాళ్ళలారా..అని ..అర్థమంట..మరి దాని అమ్మడమెందుకో ..మళ్ళీ దానిపై పుర్రె బొమ్మ ముద్రించటమెందుకో..
ఈ యాంటీ పొగాకు దినమెందుకో.. పొగ తాగి వాళ్ళ ఆరోగ్యంతో పాటూ పరిసరాలనూ పాడుచేసున్న వాళ్ళను..నాలుగు తన్ని బొక్క లోకి తోస్తే ఎట్టా వుంటుందంటా..
అమ్మో..వద్దు ..వద్దు.. ముందు మా ఆయన్నే ఎర్ర టోపీలోళ్ళు ..పట్టుకు పోతారు..
ఇదిగో అందరూ ఇనండీ..పొగ కొద్దిగా తాగండి..మెల్లిగా పొగ ఉఫూ..ఉఫూ..అని వదలండి..పక్కోళ్ళకు రానీకుండా..
పెట్టె పైన పుర్రె బొమ్మ ఎక్కువగా సూడమాకండి..గుండె తరుక్కు పోతాది..సరేనా..

నా యోగం ..హఠ యోగం..

త్వరగా ఆఫీసు నుంచీ ..ఇంటికెళ్ళి..అర్జంటుగా యోగాసనాలూ..ప్రాణాయామం..ఇంకా..ధ్యానం చేసేయాలి..

ఇంటికొచ్చాను..అలవాటుగా .. పనిమనిషి డుమ్మా..చేసేదేముంది..ఆ నాలుగూ కానిచ్చేసి..

ఆదరా..బాదరా..స్నానాలు కానిచ్చేసి..యోగాకు రెఢీ..అయిపోయాను..

మొదటగా..ఆసనాలు..వజ్రాసనం..ఆ ఆసనం ..ఈ ఆసనం..

నీవు నీళ్ళు బాటిల్స్ లో నింపు..

నీవే నింపు..

ఎందుకమ్మా..అన్ని కష్టమైన పనులు నాకిచ్చి ఈజీ పనులు నీవు చేస్తావా..నేనే బాటిల్స్ నింపుతా.. నీవు..బట్టలారేయ్..

చూడమ్మా..నేను చిన్న పిల్లని..

అబ్బ చా..

ఈ రోజు పనిమనిషి రాలేదు..సిరీ నీవు ఇల్లు చిమ్ము వాడు ఆ కట్టె తో ఇల్లు తుడుస్తాడు..నేను యోగం మధ్యలోనుంచీ అరిచాను..

ఆ..చూడు ..నేను ఇల్లు చిమ్మాలి..బాటిల్స్ నింపాలి ..బట్టలారేయటంలో సహాయం చేయాలి..

వాడు మాత్రం..తుడవటమొక్కటే..నేనస్సలు చెయ్యను..

వాణ్ణి..ఇల్లు చిమ్మమను..

వాడు మగపిల్లవాడు..వాడికి రాదు..నీవే చిమ్ము..

మళ్ళే నేను యోగం మధ్యలోనించీ గావు కేక పెట్టాను..

ఆ చూశావా నాన్నా..వాడు మగ పిల్లాడు..

నేను నిదానంగా ఊపిరి తీస్తున్నాను..వదులుతున్నాను..

అది ఊడవటం మొదలు పెట్టింది..

ఇంతలో ఆయన రంగప్రవేశం చేసినట్లున్నారు..

అక్కడ దుమ్ము పోలేదు..

నీవు ఓవర్ చేయకు నాన్నా..

ఏయ్..ఇక్కడ చూడవే..ఈ మూలకు..

అమ్మా.. అది కీచుమని అరిచింది..ముందు నాన్నను ఇక్కణ్ణుంచీ పొమ్మను..అప్పుడేఅ ఊడుస్తా..

నా ముందుకొచ్చి నిలబడింది..

నేను కళ్ళు తెరవక తప్పలేదు..దాని పని అది చేస్తుంటే మీరెందుకు..

మధ్యలో ..అరవక తప్పలేదు మళ్ళీ..

అది మళ్ళీ వెళ్ళింది..ఊడవడానికి..

ఇక్కడివ్వవే..కిచనులో ఇంత చెత్త పెట్టుకొని వదిలేసింది..ఆయన చీపురు లాక్కొని కిచనులోని చెత్తను లాక్కొచ్చారు..

కిచనులో తడిగా లేదా నాన్నా..చీపురు పాడై పోదా..

వాడు క్యారెట్ తింటూ చోద్యం చూస్తున్నాడు..ఆనందంగా..

పూరకం..రేచకం..కుంభకం..శూన్యకం..

పూరకం...రేచకం....కుంభకం..శూన్యకం...

ఇంక నీవు వెళ్ళి తుడువు..

వెళతాలే..నీవెందుకూ ..చెప్పేది..అమ్మా..దాన్ని ఊరికే ఉండమను..

నేను చిన్ముద్ర..చిన్మయ ముద్ర..ఆది ముద్ర..

ఇక..ధ్యానం..

ఊపిరి పైనే..ధ్యానం..మెల్లిగా..ఊపిరి పీల్చూ..వదులూ..పీల్చూ..వదులూ..

నెమ్మదిగా..నెమ్మదిగా..తలంతా మైకం కమ్మినట్లవుతూంది..

కళ్ళు తెరవాలన్నా..తెరవలేక పోతున్నాను..

మత్తుగా..హాయిగా....ఆనందంగా..సుఖంగా..

ఇదే..ధ్యానమా..ఇలా చేస్తే..అన్ని వ్యాధులూ..పోతాయా..అప్పుడప్పుడూ..ఆలోచనలు..అలల్లా వస్తున్నాయి..వెళుతున్నాయి..

వస్తున్నాయి..వెళుతున్నాయి..

ఇలా గంటసేపైనా..ఉం..డ..వ.......చ్చు.............క.........దా.............

అమ్మా........................

బలవంతంగా..కనులను తెరవాల్సి వచ్చింది..

ఎందుకంటే..

నాచిన్న కొడుకు..ఇల్లంతా..నీటి మయం చేశాడు..కాబట్టి..

ఒక పక్క తడి మరో పక్క పొడి..

అఘాయిత్యంగా తన పని కానిచ్చి..ఉక్రోషంగా..చూస్తున్నాడు..టి.వి...

ఏం..పనిరా..ఇది..

ఈ పనులు ఆయనో ..నేనో ..చేసుకొనే..వాళ్ళం..

కానీ పిల్లలకు ...పని అలవాటు కావాలని..ఇదిగో ఇలా..

వినాయకా..నిను..వినా..బ్రోచుటకు..

ఎన్నియల్లో..యెన్నియల్లో..

యినాకమయ్యకు ..పూజంట..గుళ్ళో..

రారే..రారే...ఓ..రాములమ్మా..

చూదాము రారే..ఓ ..లచ్చుమమ్మా..

పత్తిరి పూజలు లడ్డు నైవేద్యాలు..

పాటలు..పరవళ్ళు..ఆటలు..సందళ్ళు..

సరదాల తిరునాళ్ళు..కులికేటి పెరుమాళ్ళు..
కైలాసగిరి రాద.. సక్కంగ శివునెనక..

రారే..రారే..ఓ..రాములమ్మ..

పోదాము రారే..ఓ..లచ్చుమమ్మా..

బాంచనయ్యసామి కాల్మొక్త..నీకు..

బతుకు సల్లగ బోవ వరమీయినాకు..

సక్కన్ని పిల్లొల్లు..సదువుల్లు కొలువుల్లు..

సుకమైన పాణాలు ..మాకియ్యి దేవా..

అడుగే..అడుగే..ఓ రాములమ్మా..

పెట్టండే దండాలు..ఓ ..లచ్చుమమ్మా..

***

ఎన్ని పేర్లు..ఎన్ని రూపులూ..

నీవు అందరికీ ..ప్రియ దేవుడవూ..

బాల గణపతీ..మా వీర గణపతీ..

విఘ్న గణపతీ.. మా లక్ష్మీ గణపతీ..

రావణుడూ..తపసుజేసి..

శంకరుణ్ణి మెప్పించీ..

పొందాడు..ఒకనాడు ఆత్మ లింగాన్ని..

బాల వటునివై.. వెళ్ళి..

రావనుణ్ణి మాయ జేసి..

భూస్థాపిత మొనరించావూ..

నీవు బుధ్ధిశాలి వనిపించావూ..

షణ్ముఖుడూ..నెమలినెక్కి...

ముమ్మారూ భూమిచుట్టి..                             

ఓడించా యత్నించాడూ..

నిన్నూ తక్కువగా..భావించాడూ..

మాతా పితరుల సేవే..

సర్వ తీర్థ పవిత్రతనీ..

గౌరీ శివులను చుట్టావూ..

నీవూ తమ్ముణ్ణీ ఓడించావూ..

చందురుడూ నిన్ను చూసి..                 

ఎకసెక్కెంగా నవ్వా..
ముక్కోపివి నీవయ్యావూ..
వాణ్ణి శాపంతో ..దండించావూ..
లంబోదరుదైతెమీ..వాహనమెలుకైతేమీ..
అండా..దండగ నీవుండా..మాకూ..
కొరతెందుకు ఇక దండగా..

***                     

                 బాల గణపతి నీకు కోటి దండాలు..                   

బొండుమల్లెలు తీర్చు నీకు.. మురిపాలు..

బొజ్జ దేవరవయ్యి ..కజ్జికాయలు మెక్కి..

బుజ్జగాలకు లొంగి.. వరములిచ్చేవూ..

ఆది దైవమ్మయ్యి..విఘ్నాలు వారించి..

ఎల్లరకు శుభములూ.. కలుగ జేసేవూ..

పత్రి పూజలతోనె.. సంతుష్టి నందేవు..

షణ్ముఖునితో కూడి..ఆటలాడేవు..

ఉరగ యజ్ఞోపవీతాన్ని..మోజుగా వేసేవు..

చిట్టెలుక స్వారీన లోకాలు చుట్టేవు..

విజ్ఞాన ఖనివయ్యి ..ఖ్యాతినార్జించేవు..

సిధ్ధి బుధ్ధిని కూడి..మురిపాల తేలేవు..

ప్రమధ గణ ప్రభృతులకు..అధినేత వయ్యేవు..

ప్రథనొంది ప్రభ చింది..ప్రియ వాది వయ్యేవు..

***

జై జై జై జై గణేశ..జై జై జై జై..                
జై జై జై జై గణాధిపా..జై జై జై..

జై జై జై జై గణపతి దేవా..                                      
మొరవిని నేవే .. వరమీయ రావా..
నమ్మితి నిన్నే.. చూపుము తోవ..
ఉండ్రాళ్ళివిగో ..దీవించవయ్యా..


కలియుగ మిది స్వామి బ్రతుకు దుర్లభం..
అడుగు అడుగునా అవరోధమధికం..
మనిషి మనిషిలో పెరిగెను స్వార్థం..
మనసు మనసునా మలినం సత్యం..


చిందర వందర ..ముందరి బ్రతుకూ..
ఎదుగూ బొదుగూ..లేనిది తెరువూ..
చిరిగిన నోట్లై..ఆశలు నలుగూ..
ఒలికిన పాలై..ఊహలు కుములూ..

జై జై జై జై..గణేశ..జై జై జై జై 

జై జై జై జై గణాధిపా జై జై జై జై..


అకాశవాణిలో సంగీతరూపకంగా..

పరుగు ..పరుగు.. పరుగు..
ఇది అలుపెరుగని పరుగు..
పుట్టినప్పటి నుండీ..
ఇది..బతుకు..ఉరుకులాట..
చావు రేవు దాక.. దీని తీట తీరదంట..

యోగాన్ని నేర్చుకుంటున్న పిల్లలు

మా అక్కయ్య కూతురు సిధ్ధ సమాధి యోగాలో పదేళ్ళనించీ వుంటోంది..

ఆస్తమా అటాక్ అయిందామె టీనేజ్ లో..

అప్పటినుంచీ యోగాలో వాళ్ళ ఫామిలీ ..ఫామిలీ..అంతా..సెటిలైపోయారు..

మొదలు మైండులో రక్త ప్రసరణ లేదన్నారట..తరువాత మెదడులో క్యాన్సరన్నారట..చివరికి అది ఆస్ఠమాగా తేలింది..

బ్రతకనే బ్రతకదన్న పిల్ల ఇద్దరు బిడ్డల తల్లై ..చక్కగా ఉద్యోగం

చేసుకుంటూంది..ప్రాణాయామం ..ఆసనాలు..ఆమె జీవితాన్ని ..నిలిపాయి మరి..

రా.. అక్కా.. మా యోగ కాంప్ కని తీసికెళ్ళింది..

ఆ రోజు చివరి రోజుట..

పది రోజులూ పిల్లలను వాళ్ళ దగ్గరే పెట్టుకొని 5 గంటలకే నిద్ర లేపటం యోగా ప్రాణాయామా ఆసనాలు ధ్యానం చేయించటం..

పాటలు డ్యాన్సులు..చేయించటం మంచి విలువలని బోధించటం..తల్లి దండ్రుల విలువని రక్త సంబంధాల ప్రాముఖ్యతనీ వివరించటం.. చేసారట..

ఇంకా.. ఏకాగ్రతని పెంచుకోవటం ఎలా..

గమ్యాన్ని ఏర్పరచుకోవటమెలా..

ఆ గమ్యానికి చేరడానికి ఎలాంటి ప్రణాళిక మనకనుకూలమైన రీతిలో రచించుకోవాలి ..ఇలా ఎన్నో...

మనం ఇలాంటివి పిల్లలకు బోధించలేం..

ఒకవేళ చెప్పినా ..వినరు..

ముందు మనమలా లేము కదా..

దీపావళి హోళీ ఎన్నో పండుగలు పిల్లలతో చేయించారట..

చివరి రోజు పిల్లలతో తల్లి దండ్రులకు పాద పూజ చేయించారు..

పూజకు కావల్సిన సరంజామాతో ..మేము అక్కడికి చేరుకున్నాం..

పది రోజులు తల్లి దండ్రులను వదిలి వున్న పిల్లలు వారి రాకకై కళ్ళలో వత్తులు వేసుకొని ఎదురుచూస్తున్నారంటే అతిశయోక్తి కాదేమో..

వాళ్ళను చూడగానే పరుగు పరుగున వచ్చి ..కళ్ళలో నీళ్ళు కారిపోతుండగా..వాటేసుకోవటం..నాకైతే ఆ తల్లీ పిల్లలను చూసి హృదయం ద్రవించిపోయింది..

మైకులో వేదాలు వినబడుతున్నాయి..

ఇక..పాద పూజ ఆ పిల్లలు తమ చిట్టి చిట్టి చేతులతో ..తల్లి దండ్రులకు మైకులో వినబడుతున్న సూచనల ప్రకారం తల్లి దండ్రుల పాదాలను  పూలతో పూజించారు..

ఒక పక్క తల్లి దండ్రులు ఇదే కదా మన సంస్కృతి అని ..కండ్లు చెమర్చు కుంటున్నారు..

తల్లి దండ్రులకు పూల మాలలు వేసారు.. పాద తీర్థాన్ని పిల్లలు తమ తలలపై చల్లు కున్నారు..

ఆ తరువాత పిల్లలు ఆ క్యాంప్ పై తమ అభిప్రాయాలను తాము పొందిన అనుభూతులను.. తాము నేర్చుకున్న విషయాలను అందరూ ఆశ్చర్య పోయే విధంగా వివరించారు..

చక్కటి భోజనాలు.. వానిలో కొన్ని పచ్చి కూరగాయలు..జ్యూసులు..మంచి అలవాట్లు..

మంచి బోధనలు .. వీనిని మనం మన పిల్లలకు అందివ్వ గలమా..?

అందుకే..ఏ క్యాంప్ నాకు బాగా నచ్చింది..

మీకెలా వుందో చెప్తారుకదూ..!!!

అక్కయ్య ఇంటికి వెళ్ళాం..
పల్లెటూరు..అక్కయ్య..ఆమె కొడుకు శ్రీకాంత్..
అక్కయ్యకు డెభ్భయ్ ఏళ్ళు..అయినా తన పని ఇంటి పని చక్కగా చేసుకోవటమే కాక..మమ్మల్నీ చక్కగా ఆదరించింది..
పచ్చటి పొలాలు..పల్లె వాతావరణం..
పిల్లి.. దానికి అప్పుడే పుట్టిన పిల్లలూ..ఎంత బావుందో..చిన్న చిన్న పిల్లలు తల్లి చుట్టూ మ్యావ్ మ్యావ్..మంటూ తిరగడం..పరక పుల్లను కదిలిస్తే అవి ఆపుల్లనే చూస్తూ..దాన్ని పట్టుకోవడానికి గెంతటం..
మా పాప బాగా ఎంజాయ్ చేసింది..సిటీలో పిల్లులు వున్నాయా..?

దూడ ఒకటి తలుపు తీసి వుంటే లోపలికి దూసుకొచ్చింది..
మా శ్రీకాంతు దాన్ని ప్రేమగా బయటికి మళ్ళీ తేసుకుపోయి ఒక గోలేంలో ఇన్ని బియ్యం బెల్లం వేసి తెచ్చి దానికి పెట్టి అది తినే వరకూ..దాని మెడకింద నిమురుతూ దాన్ని ముద్దు చేస్తూనే వున్నాడు..
కాస్త సాయింత్రమయ్యేసరికి కోతులగోల..
గుంపులు గుంపులుగా కోతులు కడుపుకి కర్చుకున్న వాని పిల్లలూ..
కిటికీల్లొంచీ..లోపలికి చూస్తూ..కిచ కిచ లాడటం..అక్కయ్య వేళ్ళాడుతున్న అరటిగెలనుంచీ నాలుగు అరటి పళ్ళు..వాటికి అందించటం అవి తింటూంటే..చూసి ఆనందించడం..
పిల్లలూ చిన్న చిన్న బెల్లం ముక్కలు వాటికి అందించి అవి తింటూంటే కేరింతలు కొట్టారు..
పనస పండ్లూ..మామిడి పండ్లూ..కడుపు నిండా..తిని ఆనందించాం..
సిటీలో కిలోల లెక్క..అక్కడ లేదుగా..
తుంగభద్రా డ్యాంకు వెళ్ళాం అక్కడ నీళ్ళు లేవు గానీ ..వున్న కాస్త నీళ్ళూ..మమ్మల్ని అలరించాయి..
మళ్ళీ ఆగస్టులో మమ్మల్ని రమ్మని అప్పటికి డ్యాం నిండుతుందని అక్కయ్య పిలిచింది..
డెబ్బయ్ వయసులో కనబడుతున్న ఆ ప్రేమకు..ఆప్యాయతకూ నా సిటీ జీవితపు కళ్ళు చెమర్చాయి..
అందమైన జ్ఞాపకంగా అక్కయ్య ఊరు మా పాపకు చూపించాను..

మా ఇల్లు బృందావనం..

సెలవులంటే గుర్తోచ్చింది..
నా చిన్న తనంలో సెలవులిస్తే..మా ముగ్గురక్కలూ..బావలూ..వాళ్ళ పిల్లలూ..
అబ్బ..ఎంత బావుండేదో..
మా ముగ్గురక్కలకూ ముగ్గురేసి పిల్లలు..నేను ఒకతి మెత్తం పది మందిమి..
ఏం ఆటలు..ఏం ఆటలు..
పది మందిని కూచోపెట్టి మా అక్కలెవరో ఒకరు అన్నం కలిపి ముద్దలు పెట్టే వాళ్ళు..
ఎంత అన్నమైనా హాం..ఫట్..
అందరూ కలిపి ఇంట్లొనే దాగుడు మూతలు..అవీ..ఇవీ.. మా అక్కల ముచ్చట్లకు.. అంతూ పొంతూ..ఉండేది కాదు..
అందరూ కలిసి అడవి రాముడు సినిమాకు వెళ్ళాం..ఓసారి..
మా అక్క కొడుకు యర్ టి రామారావ్ స్టెప్స్ బాగా వేసేవాడు..

మా అన్నయ్య రాట్రి ఇంటి బయట మంచమేసుకుని పడుకునే వాడు..ఇంటికి కాపలా అని పైకి..కానీ లోపల సెకండ్ షోకి వెళ్ళి వచ్చినా ..గుట్టు చప్పుడు కాదు కదా.. అది లోపల మీనింగ్..
వాడు అలా బయట పడుకొని ..నిద్ర వచ్చే వరకూ..యన్.టి.ఆర్ పౌరాణిక సినిమాలలోని పద్యాలు గాట్టిగా పాడుతూ..ఉండేవాడు..
బావా.. యేమంటివి..యేమంటివి.. అంటూ..


మా అయ్య అప్పట్లో వందకో రెండు వందలకో చిల్లర తెచ్చే వారు..
పిల్లలందరినీ.. చుట్టూ కూచోపెట్తుకుని  డబ్బులాట ఆడేవారు..
అంటే చిల్లర వడినిండా.. పోసుకుని..గుప్పిటిలో యెత వస్తే అంత మా ముందుకు చాచే వారు.. అందులో యెంత డబ్బు వుందో చెప్పాలి..
అందరూ పోటీలు పడి ఒకరి మీద ఒకరు పడి చెప్పేవారం..
ఒకటే నవ్వులు..కేరింతలు..
ఎవరు కరెక్టుగా చెప్పితే వారందరికీ పంచేవారు..


మా అక్కలు మా నాన్నగారి పాటలు పాడేవారు..
మా ఇల్లు అందమైన బృందావనంలా వుండేది..
మా అమ్మ అక్కలకు బావలకు పిల్లలకు బట్టలు పెట్టేది..నాకీ రంగు కావలంటే..నాకీ రంగు కావాలని .. కోపాలు .. అలకలు..
నువ్వు టెంత్ మంచి మార్కులతో పాసవ్వాలి అప్పుడు నీకు నేను వాచీ కొనిస్తాను అంటూ మనవళ్ళను ఉత్సాహ పరిచేది మా అమ్మ..
మా అన్నయ్య కొత్త సినిమా పాటలు కేసెట్లు తెస్తే విన్నన్ని రోజులూ విని మెల్లిగా ఊరికి పోయేటప్పుడు వాళ్ళ బ్యాగులలో దాచేసుకు పోయేవాళ్ళు మా రెండవ అక్కయ్య పిల్లలు..
మొదట కోపం వచ్చినా పోనీలే .. పాపం పిల్లలు అని లైట్ తీసుకునే వాళ్ళు మా నాగక్కయ్య అరవిందు అన్నయ్య..
మా నాగక్కయ్యతో కుస్తీ పోటీకి దిగే వాడు మా రెండవ అక్క కొడుకు కాంతు..వాడు అప్పట్లో బాల భీముడు..
మా పెద్ద బావ సాహితీ బంధువు..చూసిన ప్రతిదానిపైనా కవిత్వం చెప్పే వాడు
సెలవులలో హయగ్రీవ స్తోత్రం,హనుమాన్ చాలీసా...అన్నీ ఇంకా ఎన్నో నేర్చుకొనే వాళ్ళం..
కమలా కుచ చూచుక కుంకుమతో నియతా..రుణితా.. తులనీ లతనో..
నేనైతే సినిమాలలో యన్ టీ ఆర్ రాజనాల పుష్పక విమానంలో పోరాడుకుంటుంటే..
టెన్షన్ తట్టుకోలేక కమలాకుచ చూచుక కుంకుమతో..అని గబ గబా..చెప్పేదాన్ని..యన్ టీ ఆర్ ను గెలిపించమని..
ఏమిటో ఆ రోజులు..
ఎక్కడికి వెళ్ళయో..
కానీ మనసులలోంచీ..పోవెందుకని..

పుట్టపర్తి అనూరాధ అక్షర కలశం: లేఖిని నాది మాటలు మనసువి

పుట్టపర్తి అనూరాధ అక్షర కలశం: లేఖిని నాది మాటలు మనసువి: లేఖిని నాది మాటలు మనసువి...: "లేఖిని నాది మాటలు మనసువి: లేఖిని నాది మాటలు మనసువి: ఇలాంటిదే ఇంకో ఇస్టోరీ.... : 'లేఖిని నాది మాటలు మనసువి: ఇలాంటిదే ఇంకో ఇస్టోరీ.. పాపం....."

పుట్టపర్తి అనూరాధ అక్షర కలశం: లేఖిని నాది మాటలు మనసువి..

పుట్టపర్తి అనూరాధ అక్షర కలశం: లేఖిని నాది మాటలు మనసువి..: "నా బ్లాగ్ లోని రచనలకు నా ఇమైల్ కు కామెంట్స్ పంపుతున్నారు..నాకేమో రా రచన కిందే చక్కగా కామెంట్స్ కనపడాలని వుంది యెలా చెప్పరూ.."

లేఖిని నాది మాటలు మనసువి..

నా బ్లాగ్ లోని రచనలకు నా ఇమైల్ కు కామెంట్స్ పంపుతున్నారు..నాకేమో రా రచన కిందే చక్కగా కామెంట్స్ కనపడాలని వుంది యెలా చెప్పరూ..

లేఖిని నాది మాటలు మనసువి: మ్ము..మ్ము..మ్ము..ద్దంటే..

లేఖిని నాది మాటలు మనసువి: మ్ము..మ్ము..మ్ము..ద్దంటే..: "సినిమాలూ..చెట్టు చాటు సీన్లు.. హమ్మయ్య..నేనేం చెప్పదల్చుకున్నానో.. కనిపెట్టేశారా.. సినిమాలో పాటల్లో అప్పుడప్పుడూ..హీరో హీరోయిన్లు..ఓ నిమి..."

లేఖిని నాది మాటలు మనసువి: నా బ్లాగులో స్లయిడ్ షో మార్చుకుందామని అనుకున్న...

లేఖిని నాది మాటలు మనసువి: నా బ్లాగులో స్లయిడ్ షో మార్చుకుందామని అనుకున్న...: "నా బ్లాగులో స్లయిడ్ షో మార్చుకుందామని అనుకున్నా.. ఇంతవరకూ మీరబాయిని వుండనిచ్చా.. ఇక మీరాబాయమ్మను పంపించి ఇంకెవరినన్నా ఇన్వయిట్ చేద్దమన..."